clove benefits : లవంగాలను ఇలా తీసుకుంటే ఆరోగ్యానికి చక్కటి ప్రయోజనాలు..

clove benefits : లవంగాలు తీసుకోవడం వలన గొంతు క్లియర్ అవుతుందని, పదాల ఉచ్ఛరణ స్పష్టంగా వస్తుందని పెద్దలు చెప్తుంటారు. ప్రతీ ఒక్కరు లవంగాలు తినాలని, ముఖ్యంగా కొంచెం నత్తి ఉన్న వారు లవంగాలు తీసుకుంటే బాగుంటుందని అంటుంటారు. అది నిజమే. కానీ, లవంగాల వలన థ్రోట్ ఇష్యూస్ సాల్వ్ అవడం మాత్రమే కాదు. ఇంకా చాలా ప్రయోజనాలున్నాయి. అయితే, అందుకుగాను లవంగాలతో పాటు తేనేను కలిపి తీసుకోవాలి. అలా తీసుకోవడం వలన మానవుడి ఆరోగ్యానికి చాలా చక్కటి ప్రయోజనాలున్నాయి. అవేంటో తెలుసుకుందాం.

చాలా మంది తేనె, లవంగాలను తీసుకూనే ఉంటారు. కానీ, విడివిడిగా వాటిని తమ ఆహారంలో భాగం చేసుకుని ఉంటారు. అయితే, రెండిటినీ కలిపి తీసుకుంటే ఆరోగ్యానికి చాలా చక్కటి ఉపయోగాలున్నాయి. తేనె, లవంగాలు రెండూ కూడా ఆరోగ్యానికి చాలా మంచివి. కాగా, రెండిటినీ కనుక కలిపి తీసుకుంటే రెట్టింపు యూజెస్ ఉన్నాయని వైద్య నిపుణులు చెప్తున్నారు.

యాంటీ బ్యాక్టీరియల్, ఫంగల్ లక్షణాలు కలిగిన తేనె, లవంగాలను ఆహారంలో ప్రతీ ఒక్కరు భాగం చేసుకోవాలని అంటున్నారు. యాంటీ ఆక్సిడెంట్స్ సమృద్ధిగా తేనె, లవంగాలలో ఉంటాయి. ఇవి రెండు కలిపి తీసుకోవడం వలన అనారోగ్య సమస్యలు అసలు దరిచేరవని అంటున్నారు. ముఖ్యంగా చలికాలంలో జలుబు, ఇతర అనారోగ్య సమస్యలు దరి చేరకుండా ఉండేందుకుగాను ఇవి రెండు ఉపయోగపడతాయి.

చలికాలంలో వాతావరణంలో కీలక మార్పులు జరుగుతుంటాయి. దాంతో దగ్గు, గొంతు నొప్పితో పాటు ఇతర అనారోగ్య సమస్యలు తలెత్తొచ్చు. ఈ క్రమంలోనే అనారోగ్య సమస్యల పరిష్కారం కోసం తేనె,లవంగాల మిశ్రమాన్ని తీసుకోవాలి. ఇందుకుగాను మూడు లవంగాలు మెత్తగా పొడి చేయాలి. అలా లవంగాలను మెత్తగా పొడి చేసిన తర్వాత ఆ పొడికి చెంచడు తేనె కలపాలి. దానిని తీసుకుంటే మీకు గొంతు, దగ్గు నుంచి ఇట్టే ఉపశమన లభిస్తుంది. గొంతు నొప్పితో పాటు ఇతర ఇన్ఫెక్షన్స్ నియంత్రించడంలో తేనె, లవంగాల మిశ్రమం సాయపడుతుంది.

తేనె, లవంగాల మిశ్రమం తీసుకోవడం వలన మనిషి ఆరోగ్యంగా ఉంటారు. కాలేయ సంబంధిత సమస్యలు పరిష్కరించబడి, కాలేయం ఆరోగ్యంగా ఉంటుంది. బ్లడ్ షుగర్ లెవల్స్ కూడా కంట్రోల్‌లో ఉంటాయి. ఈ మిశ్రమం తయారు చేసుకోవడం కూడా వెరీ సింపుల్. మూడు లేదా నాలుగు లవంగాలను దంచి మొత్తటి పొడిగా చేసి దానికి చెంచడు తేనె కలిపితే చాలు.. మిశ్రమం రెడీ అయిపోతుంది. అంతే దానిని స్వీకరిస్తే చాలు.. తేనె, లవంగాల మిశ్రమాన్ని టీ గా కూడా తీసుకోవచ్చు. నోటి పూత నుంచి ఉపశమనం లభిస్తుంది.